Ol woman long North West Santo oli stap tekem lid long ol Smol Bisnes, Sustainable Development mo Gender Equality.

Ol Woman we I participate long workshop

Long wik ia I kat wan training blong ol trainer we Santo Sunset Environment Network mo Eden Hope Foundation I sapotem blong helpem ol woman mo young gel long North West Santo.

Pipol blong eria ia I no kat isi access long service olsem transport, mo gudfala helt senta be oli survive tru long ol natural disasta olsem TC Harold.  

Plante long ol woman ia I mekem bisnis long weaving, somap klos mo producim coconut oil.

Workshop ia we 24 woman ia ko tru long hem, hemi blong trenem olgeta blong hao blong managem ol activity long livelihood blong olgeta.

Wan participant blong workshop a, Jenny Komaliu I talem se plante long ol woman ia I no kat access long gudfala education mo ol training, beh ol kaen training ia bae helpem olgeta long ol wok we oli stap mekem.

Semak kaen workshop ia bae oli ranem ol nara vilij blong mekem se evri wman mo gel I kat janis blong lanem smol saveh blong bisnis.