Delivery blong fes wok blong Vanuatu Government National Emergency Radio Network I stap kohed finis.

Photo: Supplied

Wok blong mekem delivery mo setemap ol masin blong National Emergency Radio Network, ia ol ofisa blong Vanuatu Police force mo ol police ofisa blong Australia tru long Defence Cooperation Program I stap mekem.

Project ia, emi wan 3 yia project blong mekem se I kat gudfala strong communication network blong helpem wok blong police mo tu help long taem we wan disasta I kilim ani aelan long Vanuatu.

Team oli stap wok naoia long sam aelan finis blong mekem gud mo leftemap ol  emergency radio network mo tu putum ol niufala HF mo VHF radio blong pipol I save yusum.