National Institute of Water and Atmospheric (NIWA)  I konfem se bae I save kat 8 to 10 Tropical cyclone we bae I save tekem ples long Southwest blong Pacific between November 2020 mo April 2021.

Cyclone Tracking Map, Photo: Supplied

Long wan press statement we NIWA I putum aot, I talem se season ia long November kasem April emi normal blong I save kat Tropical Cyclone I form long hem.

Statement ia I talem tu se long ol late season blong TC long February kasem April bae TC I save start form raon long coral sea mo north Tasman sea.

NIWA I talem tu se I kat hae risk blong any TC we I form long season ia,  I save kam strong taem I kasem solwota blong New Caledonia.

Vanuatu mo New Caledonia emi tufala kantri we I stap fesem sam long ol strong activity blong TC; long wan yia I stap kat 2 mo 3 TC I pass long ol aelan ia.

NIWA I talem se long season ia any TC we I pass long New Caledonia pawa blong hem bae I more strong, mo Vanuatu,Tokelau, Fiji, Solomon Islands mo Papua New Guinea bae I save expectem normal pawa blong ol TC.

Statement ia I talem tu se ol kantri long pacific we I stap kolosap long east blong International Date Line bae I expectem low risk blong TC long season ia.

TC season long Vanuatu emi semak long plante nara kantri long Pacific we emi long November kasem April long next yia