Wan study blong well being in Vanuatu we i bin happen long everi island blong Vanuatu true long sapot blong Malfatumauri council blong olgeta chief, cultural senta mo Vanuatu statistic office i faenemaot se Vanuatu hemi nambawan kaontri long world we hemi still save managem ol risos blong hem yet folem kastom fasin mo we hemi benefitim evriman long village mo island. Ripot blong well being ia i bin stat long 2012 finis mo hemi gohed yet naoia wetem bigfala tingting blong collectem ol data blong measurem cultural lifestyle blong Vanuatu we hemi reflectem stret level blong life blong man Vanuatu.

Well being report ia i showem se 92% blong man Vanuatu i kat access long kastom graon blong hem long island, 88% blong olgeta i glad long size blong kastom graon blong olgeta long island, 95% blong man Vanuatu i mekem aos mo planem kaikai long kastom graon mo 93% oli glad from oli kat access long risos blong Bush mo solwota.

Wok we Malfatumauri council blong olgeta chiefs mo cultural senta i mekem blong produsum ol stret data blong Vanuatu bambae hemi kam wan role model blong full world i save yusum instead blong measurem lifestyle blong wan kaontri folem GDP nomo.