Categories
Highlights Local News

Vanuatu bai ikat wan modern kot haos “Hall of Justice”.

Chief Justice, Vincent Lunabek italem se niufala hall of justice we ground breaking ceremony blong hem i tekem ples, bai hemi fesfala building we oli buildim purposely blong wan modern kot haos since taem blong condominium.

HALL OF JUSTICE, Ground breaking Ceremony.

Hemi talem se from we Vanuatu istap long Pacific mo istap fesem tu olketa strong wind mo ol narafala disasta, bai niufala hall of justice ya i mas respond tu iko long olketa disasta ya.

Afta long 13 yia i pas, we fire ibin destroyem supreme kot building long Port Vila, tede Tuesday 22 September 2020 hemi makem wan narafala history we i lukim ground breaking ceremony blong wan niufala supreme kot haos i tekem ples.

Niufala building ya bai istap long semfala area we fesfala building ibin stanap long hem, hemia long area blong Joint court.

Since 2007 we supreme kot building fire ibin destroyem olketa judge blong supreme kot mo apil kot oli bin stap operate long ol temporary building long Port Vila.

Cost blong project blong hall of justice ya bai kasem 1.2 billion vatu, mo gavman blong Vanuatu bai kontibute long half blong mane ya while gavman blong New Zealand bai contribute long 227 million vatu mo gavman blong Australia bai contribute long 240 million vatu.

Tuketa gavman blong Australia mo New Zealand tru long ol high commissioner blong tufala ikam long Vanuatu oli talemaot se oli klad blong sapotem gavman blong Vanuatu blong buildim bak supreme kot haos ya.