Vanuatu bambae hemi part blong protest blong talem no long fasin blong violence agensem ol tija mo freedom long speech blong wan tija hemi impoten. Ol franis man we oli liv long Vanuatu mo olgeta pipol we oli karem franis citizen bambae oli mit tumoro long Alliance Francaise long Port Vila long 5:00pm kasem 6:00pm blong showem sapot long protest we i stap hapen naoia long Franis.

Protest long France, Photo: Supplied

Long las wiken, wan yangfala blong 18 yia we hemi joinem islam i bin katem hed blong wan man tija long wan lokol skul long franis from se tija ia tokbaot Muhamed we hemi God blong ol islam.

Geroges Cumbo we hemi responsible blong lukluk long ol franis man long Vanuatu hemi stap invitem everi franis man long Vanuatu blong talem no long violense agensem ol tija mo semtaem bambae oli showem sapot long kaontri blong olgeta franis long hard time we i stap ko true long hem wetem Covid 19 we kilim fulap taosen pipol.

Komuniti blong franis pipol long Vanuatu hemi ova 500 man, woman mo pikinini we liv raon long ol island blong Vanuatu olsem ol investors.