USP Emalus kampas long Port Vila bae I kat ol awards dei blong yia ia long namba 18 December 2020.

Photo: Supplied

Student Sapot Ofisa blong Emalus kampas, PAULINE MOLISA, I konfem se long end blong seken semester blong yia ia, bae i no kat formal graduation ceremony olsem we I stap happen long evri yia, beh bae I kat wan short award dei nomo we bae I lukim ol graduating student I werem gown mo oli karem award mo tekem photo long olgeta bifo oli kobak.

Awards dei long namba 18 ia bae I kat tu long Alafoa campas, mo long Tonga

Hemi talem se bae I save kat ova long 200 student we bae oli graduate long Emalus kampas long yia ia.

Hemi toktok blong PAULINE MOLISA, student sapot ofisa blong USP Emalus kampas long Port Vila.