Tag: News

Categories
Highlights Local News

PASO i kivhan long Ministry blong Education mo Trening

Ofis blong Pacific Aviation Safety (PASO) long Port Vila I donatem sam tool blong ICT I ko long Ministri blong Education mo Trening long las wik.

PASO I talem se donation ia I wan sapot long ol goal blong Ministry blong Education.

Ol official blong PASO I mekem donation ia blong ol IT tool olsem ol computer, laptop, mo printer.

Ol tool blong IT ia bae MOET bai usum blong helpem ol tija mo ol ofis blong ol skul long ol Provins we TC Harold I bin damejem olgeta.

GM blong PASO, Andrew Valetine I talem se donation ia emi wan partnership opportunity tu blong MOET I save enkarejem ol student blong stadi mo wok long aviation sekta.

Hemi talem se donation ia I wan komitmen tu blong PASO long education long Vanuatu, from oli nidim ol pacific islander blong kam ol kualifae specialist blong wok long aviation, olsem ol inspector, engineer, pilot mo air traffic controller.

Director blong Education Services, Samueal Katipa I talem thank yu long donation ia mo I talem tu se MOET I fesem plante jalenj afta long TC Harold mo COVID19 mo ol kaen sapot ia bae helpem ol skul.

Categories
Highlights Local News

Polis kolej i putumaot 11 new recruit

Vanuatu polis college i putumaot 11 new recruit we oli just ko insaed long college ya long las Sunday 10 January.

Wan long olketa concerned parent we pikinini blong hem tu istap insaed long olketa 11 we oli ko aot long college long Wednesday 13 January, italem se fasin we itekem ples hemi wan treatment we i no fair mo bai olketa i no save acceptem.

Hemi talem se decision we itekem ples long ol pikinini blong olketa, hemi no folem law, from we ol pikinini blong olketa, oli bin pasem every test mo ko tru long every exercise mo olketa ibin risivim letter blong acceptance we wan panel ibin kivim long olketa blong oli ko kasem training long polis college.

Parent ya italem se decision ya we I kam aot long toktok nomo be I no stap long pepa,  about height blong olketa 11 citizen blong kantry ya hemi stap olsem wan discrimination long olketa mo hemi ko agensem human raet blong olketa.

Parent ya istap apil iko long olketa otoriti konsen blong oli mas mekem sure se decision we itekem ples ino mas kat political influence long hem from we Vanuatu polis fos hemi wan disciplinary organization we hemi wan independent body.

FM 107 news i understand se wan grup blong olketa concerned parent we ol pikinini blong olketa nao oli ko aot long polis college long yesterday oli stap kivim taem long olketa otoriti blong oli mas putum bak ol pikinini blong olketa iko bak long college, sapos no bai olketa i tekem issue ya iko  kasem kot.

I kat wan total blong 60 niu recruit we oli march in I ko long police college long las Sunday

Categories
Highlights Local News

Vanuatu passport ofis ino kivim pawa long eni wan blong rinewem Vanuatu passport long UAE.

Director blong Immigration we hemi responsible long passport, italem se under long act blong passport, director nao hemi kat raet blong kivim pawa iko long anywan we hemi trustem blong save issuem olketa passport, mo kasem naoia hemi no kivim pawa ya yet iko long any wan.

Director Jeffery Markson italem se kasem naoia olketa ino kivim pawa blong renewem passport iko long any trade commissioner aotsaed long kantry.

Director Markson i mekem toktok ya blong respond long wan news we i kamaot long United Arab Emirates we italem se Vanuatu Trade mission long Dubai bai save stap renewem olketa Vanuatu passport blong olketa citizen blong Vanuatu we oli stap long United Arab Emirates.

Hemi talem tu se Department blong Immigration i mekem finis appointment blong wan passport ofisa long United Arab Emirates blong stap deliverem olketa passport blong olketa citizen blong Vanuatu long UAE folem nomo olketa restriction blong Covid19 we istap tede.

Hemi talem se sapos any agency we istap deal wetem passport ofisa ya we i no folem law blong passport bai olketa i deal wetem folem law blong passport blong Vanuatu.

Vanuatu passport ofis ino stap salem passport, be tru long citizenship program we gavman blong Vanuatu istap ranem, olketa pipol we oli pem citizenship blong Vanuatu, olketa tu i kat raet blong holem wan Vanuatu passport.

Categories
Highlights Local News

Northern Territory Farmers Association I nidim ol wokman long harvest season.

The National Farmers’ Federation has welcomed the pilot program, saying it is a “pragmatic decision” needed to save this season’s mango harvest. Source: AussieMangoes/Facebook

Northern Territory Farmers Association long Australia i talem se olketa i hope se bai save kat sam more ni-Vanuatu oli ko long Northern Territory blong helpem olketa long harvest season blong olketa.

Wetem bikfala demand blong olketa wokman we ol farmer long Northern Territory oli kat naoia, gavman blong Tasmania italem se istap kat ol plan blong createm wan travel bubble blong hem wan wetem olketa kantry long Pacific we bai olketa isave stap karem ol wokman long hem.

Olketa 162 wokman blong Vanuatu we oli stap long quarantine long Northern Territory oli should travel iko long ol farm blong olketa blong statem wok long wik ya.