Defending futbol klab jampion blong Shefa Futbol Associasen, Nuvi FC mo Iwoka FC blong Emae island I stap lidim tabol blong Shefa FA Top 4 kompetisen we I stap kohed long aelan blong Epi long wik ia.
Administrata blong SFA, Johnny Kalowia I talem se long dei 2 resal long Mandei 28 Septemba 2020, Nivu FC 2-0 Kings mo Iwoka FC 2-1 Green Corner FC.
Long Wednesdei 29 September 2020 hem I las dei blong kompetisen mo tim we I kam top bai I representem Shefa FA long VFF Southern Region National Super Lik long nekis manis long Port Vila.
Long program blong Wednesdei 30 September 2020 long Rovo Bay.
Kings VS Iwoka
Nuvi VS Green Corner
Long leites standing afta long dei 2
1. Nuvi FC 4
2. Iwoka FC 4
3. Green Corner 34. Kings FC 0
Minista blong Yut Divelopmen mo Spot, Honorable Willie Pakoa Satearoto i klosem long las fraedei aftanun 1 wik Nasonal Yut Cell mo stekholda infomesen sering woksop long Korman Stedium long Port Vila.
I gat 95 yangfala everiwan we oli ricivim ol Certifiket blong Paticipesen blo 1 wik wokshop ia.Long toktok blong hem, Minista Satearoto i talem se hemi hapi tumas lo bigfala namba blo ol yangfala we oli stap ful wik mo lanem plante samting we ol stekholda oli bin kam presentem.Minista i talem tankiu i go long ol stekholda blo yut mo spot blong oli save akseptem invitesen blong ranem ol sesens blong olgeta nomata we oli gat ol woklod blong olgeta blong mekem.”Olsem Minista blo yut mo spot, mi hapi tumas blo luk wan bigfala namba blong yut olsem. Mi awea se yufala i bin lanem abaut fulap topik we bai i helpem yu i divelopmen ol yut lo eria kaonsel blo u”, Minista i talem.
Hemi gohed blong talem tu se “Key i no stap aotsaed long yu, DOOR i no stap aotsaed long yu, NETWORK i no stap aotsaed long yu, BRIDGE i no stap aotsaed long yu.
“YU ..YU YU KEY blo Divelopem ol Yut blo yu.
YU..YU, YU DOOR blo divelopem ol Yut blo yu.
YU..YU,YU NETWORK blo divelopem ol yut blo yu.
YU..YU, YU Bridge blo divelopem ol yut blo yu.”.
Minista hemi talem tok tanki tu i go long Unfpa Pacific from funding sapot blo 1 wik wokshop ia.Ol yangfala ia bambai oli stap go bak long ol aelan mo wok wetem ol Eria kaonsels blong olgeta wetm ol Provinsiol Yut Previdens mo Provinsiol Yut mo Spots divelopment ofisas blong helpem yut divelopmen mo help blo serem infomesen i go long ol yangfala espeseli long ol Helt releted isius mo ol yut divelopmen isius.
Nius from Ministri blong Yut Developmen mo Spots long Vanuatu
Port Vila Futbol Associasen I confemem finis dei 13 Premia Lik Futbol program blong wikend ia.
Long tis fraedei namba 2 Octoba 2020 long PV Stadium
3pm- Erakor Golden Star FC VS Siaraga FC
Long Sarere ia namba 3 Octoba 2020 long PV Stadium
11am- Ifira BB VS Galaxy
1pm- Mauwia VS Yatel
3pm- Tupuji Imere VS Tafea
PVFA I stap aske mol fans blong kam kivim sapot long ol tims blong olgeta long wikend ia.
Tufala strong klabs long Port Vila Futbol, Galaxy mo Tafea I pleim wan strong futbol las sarere long Port Vila be tufala I stap yet long posisen blong tufala be I kat one poen each long ladda afta we tufala I kitkit long 0-0.
Galaxy I kat planti Janis blong sko mo winim matj ia be sori nomo everi Janis blong olgeta oli mestem.
Long sekon half, Tafea I kat Janis blong putum wan kol be pleia blong Tafea I mestem wan penalty shut I mekem se afta long final wisel, tufala tims I kitkit long 0-0.
Long sarere ia bai Galaxy I sut ple wetem Ifira Black Bird mo Tafea I facem Tupuji Imere.
Leites Ladda afta dei 12
1. Ifira BB 27
2. Galaxy 24
3. Tafea 22
4. Erakor GS 16
5. Tupuji Imere 11
6.Siaraga 10
7. Mauwia 10
8. Yatel 10