Minister blong Finance mo economic management, Johnny Konapo i preparem finis wan pepa blong Bill blong supplementary appropriation blong askem parliament blong apruvum ova 9 billion vatu blong helpem wok blong state of emergency we Vanuatu i stap long hem naoia kasem 31 december mo semtaem sapotem wok blong recovery blong TC Harold long ol affected islands.

Photo: Supplied

Supplementary fund ia, bambae i kamaot long public Fund mo olgeta ministries we bambae oli risivim supplementary money blong work hemi ministry blong education, ministry blong health, ministry blong internal affairs, ministry blong finance, ministry blong infrastructure mo public utility, ministry blong climate change, ministry blong water mo natural resos, ministry blong agriculture mo ministry blong justice.

Inside long schedule blong supplementary mani ia, report i showem se ministry blong education bambae hemi investem ova 18 million vatu blong repairem mo rebuildim back ol schools we oli bin damage long TC Harold, ministry blong health bambae i yusum ova 19 million vatu blong repair mo rebuildim ol clinics mo aidpost we damage long TC Harold mo semtaem lukluk long ol subsidy blong schools fees mo narafala commodity olsem copra, kava mo caocao.

Schedule report i showem se bigfala half blong mani ia bambae hemi ko towards preparation blong Vanuatu long sik Corona virus mo help preparem ol facilities blong isolation blong ol sik patient blong Covid 19.