Rabis kondisen blong road long Anamburu hemia long port Vila, bai no save kat wok i tekem ples long hem yet, folem nomo sisen blong rain we istap long kantry naoia.

Nomata we plante driver blong olketa public transport mo olketa pipol we oli live long area blong Anamburu oli stap raisem konsen blong olketa folem rapis kondisen blong main road blong Anamburu we i lukim naoia plante trak oli nomo wantem stap usum, wok bai save tekem ples nomo taem we sisen blong rain hemi finis.

FM 107 news i understand se gavman tru long Ministry blong Infrastructure mo Public Utilities ikat ol plan blong putum kolta long rod ya be olketa wok bai save tekem ples nomo taem we olketa rain oli stop.

Ikat konfemesen tu se from we wok blong mekem gud rod long area blong Anamburu mo Simbolo hemi ova long 10 million vatu, bai i mas kat tender i tekem ples blong wan kontractor i mekem wok ya.