Head of State, Ps Tallis Obed Moses I askem long ol memba blong palemen (MP) blong stop blong raorao long social media olsem ol pikinini.

Vanuatu President Ps Tallis Obed Moses, Photo: Supplied

Hemi mekem toktok ia long taem we emi stap mekem official toktok blong openem seken ordinary sisen blong palemen.

President Tallis, I talem se gavman mo opposition I kat impoten wok blong mekem blong bilim trust long wan public institution blong mekem se kantri kasem ol plan blong hem.

Hemi talem se any development we I happen long Vanuatu, emi blong pipol blong Vanuatu.

President Tallis, I askem long ol MP blong leko ol rao rao blong olgeta mo wok tugeta blong bildim nation blong Vanuatu.

Long opening we i tekem place long chamber blong palemen, I kat 52 MP, jif justice, ombudsman, ol senior gavman official, head blong ol foren mission long Vanuatu mo public

I kat list blong 14 bill evriwan we bae palemen I tokbaot long seken ordinary session start long yestete.