Polis i arestem 6 suspek long Banks

Written by on October 16, 2020

Vanuatu polis fos istap mekem wan apil iko long olketa jif mo community lida long Sola hemia long Banks blong oli mekem sure se pipol oli mas respektem ol polis taem we oli stap mekem ol wok blong olketa, blong kipim peace mo security istap oltaem long ol community.

Photo: Vanuatu Polis Fos

Kol ya Vanuatu polis fos i mekem afta we, 5 polis ofisa long Northern Command oli mas ko long Sola,  folem wan ripot we oli risivim se sam man ibin kilim wan polis ofisa long taem blong wan arrest.

Media Unit blong Vanuatu polis fos italem se long ol manis we i pas, sam man long Sola oli stap attackem wan polis ofisa taem we hemi stap mekem ol official wok blong hem.

Polis long Sola i risivim sam ripot ikam long community se naoia ino kat control long ol youth we oli stap involve long alcohol long ol wiken.

Ripot italem se polis i arestem 1 suspect blong wan rape case long Mota mo 5 narafala suspect polis i arestem olketa from oli stap disturbem wok blong polis mo semtaem attackem polis taem istap mekem wok blong hem.


Current track

Title

Artist

Background
Translate