PM Loughman i kol long Indonesia blong allowem Human Rights Commission i visitim West Papua.

Written by on September 29, 2020

Prime Minister Bob Loughman Weibur, I kol long gavman blong Indonesia blong allowem Human Rights Commission blong United Nations I mekem wan visit I ko long West Papua.

Photo Credit: UN News 

Hemi mekem kol ia taem hemi stap mekem spij blong hem  tru long wan pre-record video I ko long 75 UN General Assembly long las wik.

PM Loughman I talem se raon long wol I kat violence blong human right I stap ko hed yet mo long region blong Pacific I kat violation blong human right long ol indigenous pipol blong West Papua.

Hemi talem se last yia 2019 ol lida blong Pacific Islands Forum oli mekem wan kol long Indonesia blong allowem Human Rights Commission I visitim West Papua be I neva happen.

PM Loughman I remindem gavman blong Indonesia blong harem saveh kol we ol lida blong Pacific I bin mekem.

Vanuatu, I wan long ol kantri long pacific region we I stap tekem lid blong addresem fridom blong pipol blong West Papua.


Current track

Title

Artist

Background
Translate