Plante student I rere blong setem ol end of yia Exam

Written by on October 26, 2020

Plante student long ol skul tru aot long Vanuatu bae sitim ol examination blong olgeta long wik ia.

Malapoa Collage port Vila, Photo Supplied

Plante skul I stap rere finis blong ol student I mekem end of yia exam blong olgeta start long tomoro.

Long plante skul long Port Vila, olgeta student blong klass 1 kasem klass 6 bae I kat exam start long  Tuesday, 27th kasem Thursday  29th October.

Long next manis November bae end of year exam blong ol year 7 kasem year 9 mo tu Year 8 Shefa Provincial Exam mo Year 10 National Examination we bae I tekem ples long 27th – 30th November 2020.

Long Luganville mo SANMA province, nomata long ol damej we TC Harold I mekem long ol skul be ol student bae oli still sitim exam.

Taem FM 107 nius i bin toktok wetem ol pikinini we oli bin lusum aos blong olgeta long taem blong TC Harold, fulap oli talemaot se oli rili try hard blong catch up wetem ol lessons blong olgeta, semtaem oli faenem i hard from oli lusum aos mo classroom long cyclone mo hemia i fosem olgeta blong study long wan niu environment.

Samfala pikinini oli talemaot se oli sori blong lusum fulap samting inside long classroom mo semtaem oli lusum fulap fren we oli nomo kambak long skul from ol damej we TC Harold mo ol impact blong COVID19.

Vanuatu hemi nokat yet wan emergency curriculum blong helpem ol skul pikinini long time blong wan disaster mo fulap parent oli wari se hemi no fair se ol islands we oli kasem disaster bambae oli mas measurem wok blong olgeta olsem evri nara pikinini long Vanuatu.


Continue reading

Current track

Title

Artist

Background
Translate