Seasonal wok program we karem plante mani i kam insaed long kantry, mo helpem laef blong plante family, i mekem plante mama mo ol pikinini tu oli safa long taem blong wan disasta.

Panel Discussion long lonjing blong Spotlight Initiative, Photo: FM107

Long wan panel discussion we itekem ples, Senior Disasta Risk Reduction Ofisa under long NDMO, Alice Sanga, i talem se wan klia example hemi cyclone Harold mo Covid19 we ibin afektem plante family long Northern part blong kantry.

Hemi talem se afta long Tropical Cyclone Harold, ikat plante woman we oli fesem hard taem blong buildim bak ol home blong olketa, from we husband/man blong olketa istap wok oversea, mo impact blong Covid19 hemi mekem se oli no save travel ikam bak long kantry blong helpem ol family blong olketa.

Sanga i mekem olketa comment ya long panel discussion we itekem ples, afta we Prime Minister Bob Loughman i lonjem “Spotlight Initiative” wan program blong help stoppem gender based violence long Vanuatu.

Prime Minister Bob Loughman long Lonjing blong Sport Light Initiative, Photo: FM107

Program ya United Nations mo European union nao bai tufala i kivim mani blong sapotem.

Prime Minister Loughman I lonjem program ya long Monday 26 Oktoba.