Direkta General blong Ministri blong Agrikalja, Livestock, Forestry, Fisheries mo Biosecurity (MALFFB), Moses Amos, I assurim ol jif blong SANMA province long Port Vila se bae pipol blong SANMA long Port Vila bae oli lanem plante wok we MALFFB I stap mekem insaed long SANMA province.

Jif rep blong SANMA provins, Livo Lui i kivim mat long DG blong MALFFB Moses Amos

Hemi mekem toktok ia yestete afternoon taem ol jif representative blong SANMA long Port Vila I mekem wan kastom ceremony I ko long DG, mo ol Direkta blong MALFFB blong allowem pipol blong SANMA long Port Vila I yusum YumiGo stage long Tagabe agrikalja station blong hostem celebration blong SANMA dei long Wednesday 23 September 2020.

DG Amos I talem se long dei ia tu bae I kat display we ol department insaed long MALFFB I mekem long ol wok we oli stap mekem long SANMA mo ol nara province, blong pipol blong SANMA long Port Vila I save luk mo lanem ol wok we MALFFB I stap mekem.

Hemi talem thank yu long ol jif blong SANMA blong jusum YumiGo stage from bae hemi wan opportunity tu blong pipol blong SANMA I save harem ol plan blong gavman tru long MALFFB long ol wok blong mekem insaed long SANMA province.

Ol jif blong SANMA province I talem se SANMA dei celebration long tumoro (Wednesday 23 sep) I wan important dei we pipol blong SANMA I save celebrate mo semtaem lanem ol wok we MALFFB I stap mekem long SANMA province.

SANMA province I tekem tugeta aelan blong Santo, Malo mo ol offshore aelan blong Santo.