Wan investigation we itekem ples long wan incident we wan plane blong Air Vanuatu i involve long hem, 2 yia i pas, i faenemaot se hemi important blong kat emergency training procedure blong olketa pilot mo olketa cabin crew.

Baurfield International Airport, Photo: supplied

ATR 72- 500 ibin bangem 2 narafala plane we tufala ibin stop istap long bauerfield airport, afta long wan emergency landing we plane ya i mas mekem from we ibin kat problem long engine blong hem we i lukim cabin i fulap long smoke.

Long wan report we Accident Investigation Commission blong PNG i putumaot i talem se tufala pilot we tufala istap insaed long cockpit long taem blong incident ya tufala ibin mixim ol operational checklist long taem we tufala i wantem blong respond long situation we oli fesem.

Investigation ya i faenemaot se problem we istap long engine ibin kosem smoke be hemi no kosem accident we itekem ples long airport, from we olketa pilot oli bin ko tru long training blong karem plane iko down even sapos ikat problem wetem engine blong plane.

Ripot ya italem se olketa smol save mo skill we olketa crew oli kat hemi contribute iko long accident we itekem ples.

Ibin kat 39 passenger mo 4 crew we oli stap long plane long taem ya, mo ino kat wan long olketa i kasem wan kill long body blong hem long taem blong accident.