Paoa blong Chief hemi Important blong Manejem Conservation Area.

Written by on October 7, 2020

Ova long 15 jif raon long Sanma provins tugeta wetem ol hed blong ol tribe blong ol vilij long Santo rural oli saenem sam resolution blong talemaot se ol jif mo komuniti oli kat full paoa blong tekem decision blong managem ol conservation area long village blong olgeta.

Photo: Santo Sunset.

Afta long wan bigfala summit we i bin tekem ples long olboe village, south west Santo wetem department blong environment, cultural senta mo ol chiefs mo heds tribe, miting i kam blong faenemaot se raorao blong graon I contribute bigwan blong damagem environment blong Santo mo taem gavman I step inside long area we I kat dispute, gavman I invest from mani nomo mo destroyem environment.

Ol jif mo hed tribe blong Santo oli saenem 15 resolution everiwan mo askem se everi area mo komuniti long Santo bambae oli setemap wan wan conservation area we hemi jif mo komuniti nomo i managem mo department blong environment long gavman wetem cultural senta oli stap blong assist nomo.

Santo bambae hemi fes Aelan we bambae I kat own conversation area long bush, riva mo solwota mo hemia I minim se long fiuja, aelan blong Santo bambae I kat ova 15 conservation area we bambae oli managem long way blong kastom blong wan vilej. 


Current track

Title

Artist

Background
Translate