Olgeta help blong sapotem ol pipol long aelan blong Santo folem ol damage blong Tropical Cyclone Harold I stap continue yet.

Oxfam Vanuatu I organisem wan program long tete we I karem tugeta ol representative blong Australia mo New Zealand high commission long Vanuatu, olketa official blong Vanuatu gavman mo plante NGO we I ko tugeta long Unity park long Luganville blong witnesem handing over blong Cash Transfer Program I ko long olgeta victim blong TC Harold.

Australian High Commissioner to Vanuatu with Oxfam Vanuatu Staff At Lauganville Santo, Photo: Australian High Commission

Long program we I tekem place long tete hemi wan new program we Oxfam Vanuatu I applyem blong hlpem olgeta victim blong disasta.

Oxfam I handem ova ol evoucher card we I kontainem electronic mane we bae olgeta victim blong blong TC Harold bae oli save usum long olgeta plante differen store long Luganville mo even ol Nara area blong santo blong karem wanem nao oli nidim long home.

Oxfam I kivimaut Evoucher Card, Photo: Australian High Commission

Esther Samson olsem Project implementing officer blong Oxfam I talem se LCM mo Wilco long santo hemi some long olgeta store we oli gat agreement wetem Oxfam blogn allowem ol Evoucher Card ya I use lo ol store blong olgeta.

Distribution blong Evoucher Card, Photo: Australian High Commission

Program ya i stat blong tekem ples afta we NGO i faenemaot se ikat plante narafala samting we olketa family oli nidim afta long wan disasta, be ino stap long olketa relief  supply we olketa difren stakeholder oli stap distributim afta long wan disasta.

Program ya i allowem olketa victim blong disasta blong olketa iko long store mo karem stret wanem nao olketa i nidim blong save buildim bak laef blong olketa bagegen afta long wan disasta.