Olketa tija we oli no kat wan laesens blong tij, bai oli no save ko insaed long classroom blong tijim olketa pikinini, hemia folem niufala policy blong Teaching Service Commission stat long nekis yia 2022.

SG blong TSC, Dick Hopkins italem se olketa technical man insaed long TSC oli bin kat wan miting mo agree se yia ya 2021 bai hemi stap olsem wan grace period blong kivim taem long olketa tija we oli no bin apply yet from laesens blong Tij blong oli mas apply blong karem wan laesens bifo nekis yia 2022.

Hemi talem se TSC istap kivim fes 3 manis blogn term 1 blong every tija we oli stap tij finis blong oli mas apply from laesens blong tij blong olketa.

Hemi talem se every tija bai oli save ko tij mo wok wetem skul principal wetem TSC blong karem wan laesens blong tijĀ  bifo long nekis yia.