Minista blong Foren Afea mo External Trade, Marc Ati I sakem aot ol allegation we opposition I mekem agensem hem mo ministry we hemi lukaotem from ol appointment blong ol Consul General (CG) mo Trade Commissioner (TC)blong Vanuatu long ol nara kantri.

Photo: Supplied

Opposition side I bin talem se, ol appointment blong ol representative blong Vanuatu oversea I no follem stret rod.

Minista Ati, I talem se evri appointment I I follem decision blong gavman mo kansel blong ol minista follem loa blong foren service blong Vanuatu.

Hemi kliarem tu se ol position blong CG mo TC, oli ol pipol we I wantem helpem Vanuatu from gavman I no pem any salary long olgeta mo olgeta nomo I spendem own mani blong olgeta blong mekem wok ia.

Hemi talem tu se loa blong foren bod, I allow any gavman blong dei blong mekem appointment blong ol TC mo CG.

Minista Ati, I talem tu se hemi redi blong ansa long any question about ol appointment ia, long floor blong palemen taem I start long yestete morning.