Kantri i nid blong kat ol Resilient Komuniti

Written by on November 19, 2020

Work blong bildimap Sanma provins hemi kam wan resilient komuniti hemi stap gohed yet mo semtaem wok blong recovery from TC Harold i stap continue long ol komuniti blong west coast Santo.

Photo: Supplied

Afta long wan week meeting wetem everi councillor blong Sanma provins, Sanma provins hemi luksave bigfala need blong invest moa long ol organisation we oli targetem disaster resilient program.

President blong Sanma provins, Malmal Langi i handem ova wan cheque blong 500 000 vatu i ko long president blong red cross, Moses Steveen blong help sapotem work blong red cross insaed long ol komuniti blong Sanma provins.

Red cross long Luganville hemi wan long ol fes organisation we respond long ol victims blong TC Harold mo tede red cross i stap work yet blong help bildim bak shelta mo wota raon Sanma provins.

Long nara Nius, wok blong namba 3 push blong kaikai i ko long area blong west coast long Santo i stap continue long week ia.

Gavman true long NDMO I mekem namba 3 push blong kaikai i ko long ol villages stat long Kerevinopu village kasem kerepua village from oli ol remote ples we oli kat bigfala need blong shelta mo wota.

Namba 3 push blong kaikai i ko long ol villages ia hemi folem assessment blong agriculture we faenemaot se ol villages ia oli safa long food security mo gavman true long agriculture i stap work naoia blong developem wan longterm plan blong addressem issue blong food security long west coast Santo.


Continue reading

Current track

Title

Artist

Background
Translate