Taon Planing Unit blong Port Vila Siti Kansel i faenem finis wan niu ples we Port Vila Cemetery bai muv iko long hem, hemia long rod I go long Eratap.

Photo: Port Vila Cemetry.

Be Kaonsel blong ol Minista long wan miting blong hem long Julae long yia ia i talem se bae PVCC i mas gat moa toktok bifo oli save diklerem wan ples i kam wan cemetery or ples blong berem dead man.

Port Vila City Council I bin mekem plante kolsaltesen wetem evri stakeholda finis mo oli agri se bae niufala ples blong berem man bai stap long wan graon we istap long r  od i go long Eratap.

Andanit long Burial Act blong Vanuatu, fasen blong berem man long Port Vila hem i stap andanit long Port Vila Siti Kansel mo i no blokem Siti Kansel blong askem gavman blong help faenansioli blong faenem wan new area.

Port Vila Cemetery oli stat berem ol man long hem sins 1898 hem i 5 hekta nomo be naoia spes istap ko smol finis.

Long wan statement we Port Vila City Council i putumaot italem se from konsen blong space bai Port Vila Siti Kansel i katemaot bigfala Benuwar tree we istap long medel blong grev yard blong oli save berem ol ded man long hem tu.