Vanuatu Citizenship commission i lonjem wan urgent investigation finis blong traem faenem olketa information about wan investment migration firm blong Middle East we istap marketem citizenship program blong Vanuatu long wan fasin we hemi no stret.

Chairman blong citizenship commission, Ronald Warsal italem se afta we commission i luk olketa video we istap kamaot long social media olketa i lonjem investigation team ya blong mekem investigation blong tekem action kwik taem agensem firm ya.

Warsal italem se commission i faenemaot se migration firm ya we istap promotem sale blong Vanuatu passport ya hemi no register mo hemi no karem approval blong Citizenship commission blong save promotem Vanuatu citizenship program oversea.

Hemi talem se commission i instructem team blong mekem investigation mo blong kontaktem migration firm ya blong talem long hem blong karemaot olketa promotion video we hemi stap mekem blong promotem citizenship program blong Vanuatu oversea.

Ripot I showem se migration firm ya we hemi Global Migrate, hemi wan sab agent blong wan licenced agent we I part blong program ya.