Ino kat any reshuffle bai tekem ples long gavman we istap tede.

Public Relations ofisa long ofis blong Prime Minister, Fred Vurobaravu italemaot long Capital FM 107 news long tede morning se olketa toktok we istap ko raon long social media se bai ikat wan reshuffle long gavman hemi no tru.

Hemi talem se Prime Minister Bob Loughman hemi no kat any plan blong mekem any reshuffle.

Vurobaravu italem se olketa memba blong palemen we oli aot long opposition mo ko joinem gavman oli agree blong wok tuketa wetem gavman long olketa challenge we kantry istap ko tru long hem naoia.

Hemi askem tu pipol we oli stap usum social media blong oli no createm ol kiaman storian agensem gavman we istap tede.