Ikat ova harvest blong Coconut Crab long Torres.

Written by on September 29, 2020

Namba blong Coconut Crab we olketa license holder long Torres oli save harvestem long wan open season hemi 5000 crab, be Fisheries department i faenemaot se, istap kat over harvest mo istap kat harvesting blong olketa under size crab istap tekem ples.

Director blong Fisheries, William Naviti italem se olketa nomata we ikat olketa law blong coconut istap, ikat plante illegal activiti tu istap tekem ples, we i mekem se namba blong olketa Coconut Crab we pipol blong Torres oli stap harvestem hemi bitim hemia we law i allowem.

Folem olketa consultation we team blong Fisheries ikat wetem olketa pipol long Torres long manis ya, plante oli wantem blong ikat increase long legal size blong Coconut crab we pipol oli save harvestem blong aot long 9cm iko antap long 12cm.

Folem olketa over harvest we istap tekem ples long Torres, minister we hemi responsible long Fisheries i saenem long namba 19 blong last manis August wan ban blong pipol long Torres oli nomo harvestem coconut crab fastaem.


Current track

Title

Artist

Background
Translate