Kansel blong olketa minista i agri finis blong Fraede namba 4 Disemba hemi wan pablik holidei tru aot long kantry.

Brill Palmer Komiunikesen Strategy ofisa lef, Jeaman NCC LDC graduation Jerry Lapi middle, Kodineta blong event, Fred Samuel rit, Photo: FM107

Hemia i blong kivim janis long pipol tru aot long kantry blong oli join long selebresen blong graduation blong Vanuatu, aot long Least Developed Country status or LDC iko long Developed kantry.

Jeaman blong National coordinating Committee blong LDC graduation, Jerry Lapi italem se graduation ya bai allowem Vanuatu blong toktok long semfala level wetem olketa narafala developed kantry.

Selebresen blong makem graduation ya bai hemi no tekem ples nomo long Port Vila be bai hemi tekem ples tu long olketa narafala provins tru aot long kantry.

LDC Graduation – Ivent kodineta, Fred Samuel italemaot se gavman ibin apruvum finis wan total blong 37 million vatu blong olketa i sharem iko long evri provins tru aot long kantry blong oli selebretem graduation ya.

Long Port Vila, bai ikat olketa panel discussion itekem ples long Independence park, mo olketa aktiviti ya bai oli stream live long internet blong olketa narafala provins tu oli save folem ol discussion mo tu olketa dona patna blong Vanuatu long ol narafala kantry tu oli save folem everi aktiviti.