Vanuatu Electoral Ofis istap mekem investigation naoia long sam allegation we italem se ikat sam agent blong seasonal wok, oli stap fosem ol applicant blong olketa, blong mas jenisim ol card blong vot blong olketa sapos oli wantem blong ko wok long New Zealand or Australia.

Principal Electoral Ofisa, Joe Johnson Iati italem se olketa ibin risivim sam ripot blong sam wokman we oli mas ko jenisim ol card blong vot blong olketa we fastaem oli vot long rural mo naoia oli jenisim ikam long urban mo samfala we oli vot long urban blong oli vot long rural from we agent i talem blong oli mas mekem.

Principal electoral ofisa, Iati, italem se Vanuatu Electoral ofis hemi stap wok anda long law blong republic blong Vanuatu, mo ol fasin olsem, oli brekem law we Electoral ofis istap wok folem.

Iati istap apil iko long any wan we ikat any information about olketa agent we oli stap mekem fasin olsem blong ko ripot long Vanuatu Electoral ofis.