Daerekta blong department blong Biosecurity, italem se pipol long aelan blong Efate oli mas tingting strong blong no muvum any material we i save stap olsem house blong olketa egg blong Coconut Rhinoceros Beetle iko long olketa narafala area.

Photo: Supplied

Daerekta Meriam Toalak italem se naoia we plante mama oli kat interest blong stap planem flawa mo sharem flawa, ikat high chance se olketa i save stap help tu blong transportem or spreadem beetle ya iko long olketa narafala area we beetle ya ino kat long hem yet.

Toalak i konfemem se afta we team blong Biosecurity ibin faenem CRB long aelan blong Ifira, olketa i konfemem bagegen long last week, se beetle ya istap finis long area blong Pango vilij long Efate.

Hemi talem se olketa istap wok naoia wetem olketa maritime otoriti blong askem long olketa ship owner blong oli leko Port Vila habour long day, blong mekem se beetle ya hemi no fly from laet blong olketa ship taem we oli aot long naet.

Hemia i blong katem daon Janis blong ol beetle ya oli spread iko long olketa narafala aelan long kantry.