Department blong Fisheries I openem long week ia the biggest Mari-culture laboratory long Northern Town.

Mari-culture hemi practice blong raisem ol different fishery inside long wan laboratory wetem aim blong breedim olketa mo rilisim olketa I ko bak long wild.

20 million vatu facility ia, government blong Vanuatu I fundem wetem sam sapot ikam tru long SPC.

Hatchery Facility ia I stap long Department of Fisheries area long Melcofee mo operation process blong hem I luk wan pump system I setup blong pumpem fresh solwota I ko long ol 20,000L tank bifo oli distributem I ko long ol rectangular fiberglass tank we inside I gat ol adult invertebrateĀ  olsem green snail, calm, abalone, prawns, sea cucumber mo starfish.

Ol ofisa we oliĀ  gat technical save blong breedim ol invertebrates ia bai oli managem facility blong manejem breeding program.

Taem we hemi officietem process blong work istat long facility ia long namba 10 Feb 2021, DG blong Ministry blong Agriculture Livestock Forestry Fisheries mo Biosecurity Moses Amos I talem se kaen facility olsem I important long fisheries sector blong kantry.