Covid19 lock down long island blong Efate

Written by on November 16, 2020

Minista blong Climate Change we I lukaot tu long ol wok blong National Disasta Management ofis (NDMO), Bruno Leingkon, I saenem oda namba 190 blong 2020 blong  stopem pipol we oli live mo wok long Efate mo ol aelan kolosap long Efate blong oli no moas leko Efate afta we gavman I announcem fes kes blong COVID19 long Port Vila.

photo: Supplied

Oda ia I kam aot long Friday 13 November mo I effective since long 11 November 2020.

Oda ia I talem se Ministry blong Infrastructure mo Public Utilities mo Dipatmen blong Ports and Harbour,  I mas mekem sure evri international repatriation blong ol citizen blong Vanuatu mo non-citizen I stop kasem taem we oda ia oli karem aot.

Oda ia I talem tu se, Ministry blong Infrastructure mo Public Utilities mo Dipatmen blong Ports and Harbour,  I stopem evri passenger we oli wantem travel long plane or ship blong oli no mas leko Efate mo ol smol aelan raon long Efate kasem taem we oli karem oda ia bakeken.

Minista Leingkon I talem aot se oda ia I kam tru long advice blong NDMO, blong mekem se covid19 taskforce I mekem contact tracing follem kes blong covid19 we gavman I announcem long las wik.


Continue reading

Current track

Title

Artist

Background
Translate