Cemetery i Fulap mo i nidim se Gavman i mas Faenem wan Niu pis Graon

Written by on March 25, 2020

Niufala mayor blong Port Vila, Eric Puyo Festa I talem se Port Vila Cemetery I fulap mo I nidim se gavman I mas faenem wan niu pis graon blong berem ol man.

Hemi mekem toktok ia long fes toktok blong hem afta we kansel I electem hem olsem niufala lord mayor blong PVMC Lord Mayor Festa oli bin ilektem hem nomo insaed long Chamber olsem namba 17 Mayor blong Port Vila long moning mo long toktok blong hem afsaed hem tokbaot stret bisnis blong kansel. Hemi talem se olsem Lord Mayor hemi no wantem toktok tumas be I wantem wok I go Daerekta blong Dipatmen blong Lokol Oteriti, Mr Leith Veremaito I talem long Mayor, ol kansela mo ol sapota blong Mayor se gavman I faenem finis wan graon blong I kam niu cemetery. Tete moning I gat fulap man oli bin stap long Town Hall blong witnisim ileksen blong Festa olsem niu Port Vila Mayor mo Graon mo Jastis woman kansela Jenny Tasale Regenvanu olsem niufala depiuti Mayor.


Current track

Title

Artist

Background
Translate