Luganville taon i lusum long Sandei 1 Novemba, wan long ol longtime kondominium building we oli bildim afta long world war 2 long 1945.

Faea i bonem Alice store Luganville Santo, Photo: SBN FB page

Bigfala faea long eli morning ya, we i bonem daon Alice store building, i bin wekemap ol pipol long Luganville taon.

Building ya plante pipol oli save long hem, olsem Brothers haos.

I nokat wan konfem ripot yet long wanem nao hemi mekem faea ia, be i kat sam storian we italem se problem blong electricity nao hemi kosem bigfala faea ya.

I kat ripot se long satede naet, electricity long Luganville taon i bin stap kat problem kasem long sandei eli morning taem we pawa ikam bak, hemi kat electric shock long building we i state faea.

Taem FM 107 nius i bin sherem sori wetem owner blong building, Jacques Tronquet, hemi konfemem se hem wetem full family blong hem oli lusum evri samting long faea, be nokat wan i kasem kill mo evriwan i sef istap.

Wan store we hemi Sunshine store i bin bon everiwan long faea, wan bigfala motel wetem 20 rum, wan full house wetem evri samting insaed i kam asis everiwan.