Categories
Local News

Niufala sola wota sistem long Wes Ambrym

Ol komuniti blong west Ambrym I kat isi access naoia long gudfala water supply system afta long lonshing mo handing ova blong ol niufala solar water system project.

Ol community we solar water project ia I stap long hem hemi Lalinda, Baiap, Lonmek, Malvert, Melten, Endmila, Wuro mo Vali long West Ambrym.

Mani blong project ia I kam long long gavman blong Luxembourg, mo Global Green Growth Institute I implementem project ia wetem sapot blong  Department blong  Water Resources mo advice blong Vanuatu Agricultural Supplies.

Wota project ia I wan bigfala development blong Department blong Water Resource mo Malampa province.

Categories
Highlights Local Local News

Respectim work blong ol local musician

Musik task force long Vanuatu wetem Vanuatu Intellectual property Office (VanIPO) mo Ministry blong Trade mo Indastri I kat wan consultation meeting long Tusdai 23 Feb, long nakamal blong Malvatumauri kansel blong ol jif long Port Vila.

1 dei miting ia hemi blong oli tokbaot ol wok blong copyright mo national music polisi.

Dipatmen blong Indastri wetem VanIPO bae I ranem ol semak kaen awareness long wan wan province long Vanuatu blong ol music artist I save patisipate long ol Consultation mo awareness blong nasonal music polisi ia.

Ol musik artist long Vanuatu I stap faet strong blong protektem mo promotem ol wok we oli music artist I stap mekem.

Categories
Highlights Local Local News

Hemi impoten blong sabmitim ol annual return iko long ofis blong Ombudsman

Ofis blong Ombudsman I talem se everywan we oli stap olsem ol lida anda long Article 67 blong constitution blong Vanuatu, Section 5 blong Leadership Code Act Cap 240 or any narafala governing law blong republic blong Vanuatu oli kat samples long 3 day nomo istap blong oli mas sabmitim ol annual return blong olketa iko long ofis blong Ombudsman.

Long namba 2 reminder we Ombudsman, Hamilson Bulu I putumaot yestete 23 Feb, hemi talem se olketa we oli fail blong sabmitim ol annual return blong olketa bifo namba 1 blong manis March we hemi long nekis week, olketa I kat wan extra 14 day blong mas sabmitim ol form blong olketa iko long ofis blong Ombudsman.

Hemi talem se any lida we hemi no sabmitim annual return blong hem, I brekem section 33 blong leadership code act mo afta long namba 14 blong manis March bai name blong olketa lida we oli no sabmitim ol annual return form blong olketa bai kamaot long official gazette blong State law ofis.

Categories
Highlights Local News

Ol ship i mas leko Port Vila habor bifo 4 oklok long aftanun

Biosecurity Department I stap sendemaot notis naoia iko long olketa ona blong ol ship, blong oli mekem sure se ol ship blong olketa oli leko Port Vila habor bifo 4 oklok long aftanun.

Mo sapos olketa ship we oli stap overnight long port vila wharf, olketa ino mas usum tumas laet we I save attractem olketa insect.

Notis ya istap ko aot long olketa ship ona folem spread blong CRB we istap finis naoia long aelan blogn Ifira, moa elan blong Ifira istap olsem wan main route we olketa ship oli stap usum blong travel iko long olketa narafala aelan blong Vanuatu.

Long leta we Director blong Biosecurity Meriam Toalak I saenem I talem se Biosecurity istap requestem assistance blong olketa ship blong oli no muvum olketa agricultural item, ol machine we pipol usum finis mo olketa trak aot long aelan blong efate olsem we istap long Ministerial order.

Director Toalak italem se olketa ofisa blong Biosecurity bai oli stap long wharf long Port Vila blong mekem inspection long olketa Agricultural item, ol machine we pipol I usum finis, olketa equipement mo olketa trak we I save kat egg blong CRB, ol grubs or olketa adult beetle long hem.

Sapos anywan we I brekem ministerial order we istap bai save pem wan fine we ino ova long 1 million vatu.

Categories
Highlights Local News

PASO i kivhan long Ministry blong Education mo Trening

Ofis blong Pacific Aviation Safety (PASO) long Port Vila I donatem sam tool blong ICT I ko long Ministri blong Education mo Trening long las wik.

PASO I talem se donation ia I wan sapot long ol goal blong Ministry blong Education.

Ol official blong PASO I mekem donation ia blong ol IT tool olsem ol computer, laptop, mo printer.

Ol tool blong IT ia bae MOET bai usum blong helpem ol tija mo ol ofis blong ol skul long ol Provins we TC Harold I bin damejem olgeta.

GM blong PASO, Andrew Valetine I talem se donation ia emi wan partnership opportunity tu blong MOET I save enkarejem ol student blong stadi mo wok long aviation sekta.

Hemi talem se donation ia I wan komitmen tu blong PASO long education long Vanuatu, from oli nidim ol pacific islander blong kam ol kualifae specialist blong wok long aviation, olsem ol inspector, engineer, pilot mo air traffic controller.

Director blong Education Services, Samueal Katipa I talem thank yu long donation ia mo I talem tu se MOET I fesem plante jalenj afta long TC Harold mo COVID19 mo ol kaen sapot ia bae helpem ol skul.