Categories
Highlights Local News

Prime Minister Charlot Salwai, 2 yia mo 3 manis long kalapus

Supreme Kot judge i sentensem long tede morning foma Prime Minister Charlot Salwai, 2 yia mo 3 manis long kalapus, be i saspendem bagegen 2 yia sentence blong hem ya.

Hemia i minim se foma Prime Minister Salwai bai hemi no ko long prison be bai hemi nomo save komitim wan more offence bagegen blong save kasem kot bagegen from.

Justice Wiltens ibin talemaot finis long manis blong December last yia se foma Prime Minister Salwai hemi guilty from ol charge blong Perjury or fasin blong kiaman long kot mo sentence blong hem nao i tekem ples long tede morning.

Taem we kot i talemaot sentence ya long tede morning, i minim se naoia Salwai hemi lusum jea blong hem olsem wan memba blong palemen blong Pentecost constituency.

Categories
Local News

Vanuatu RSE worker oli leko Vanuatu long tede Morning

Ova long 150 ni- Vanuatu RSE worker oli leko Vanuatu long tede morning blong ko wok long New Zealand.

Olketa we oli travel aot long tede, oli formaly openem bagegen RSE program blong yia ya 2021.

Ofis blong New Zealand High commission long Vanuatu italem se long yia ya bai New Zealand i nidim samples long 2000

wokman blong Pacific mo samples long 900 wokman bai oli kamaot long Vanuatu.

Taem we hemi stap toktok wetem olketa RSE woka ya long last week, fes secretary blong New Zealand High Commission long Vanuatu, Adham Crichton italem se RSE program hemi no wan seasonal labor program nomo be hemi wan bridge we i konektem tufala kantry.

Categories
Highlights Local News

Polis long Luganville i bin arrestem 4 gavman trak.

Polis long Luganville i bin arrestem 4 gavman trak long Krismas mo Niu yia selebresen long Luganville taon.

Police Lights by zavarykin | VideoHive

Olketa arrest ya itekem ples afta we ol driver we oli ol civil servant oli bin drivem ol G trak mo stap anda long influence blong alcohol.
Commander Sanma, Chief Inspector Rex Langon i talem se polis long Luganville i bin arrestem 4 gavman track mo holem tait ol trak ya long polis station long Luganville.
I kat report se polis long Luganville i bin arrestem tu wan memba blo palemen blo Santo rural we i bin yusum gavman trak wetem ol boy blong hem blong drink alcohol mo polis i bin holem tait trak we MP i yusum long polis station.
Kontrol blong Traffic long Luganville mo Sanma provins long festive season ia hemi bin successful mo commander Sanma i talem tankiu long everi memba blong public we oli bin koperet wetem rule blong no drink alcohol mo drivem trak.
Categories
Highlights Local News

47 Principal oli risivim finis appointment leta blong olgeta

52 principal blong olgeta primary mo secondary school raon long Vanuatu oli risivim finis ol niufala appointment leta blong olgeta blong serve inside long ol different skul we ministry blong education i postem olgeta i ko long hem.

Malapoa Collage, Photo: Supplied

Long manis October ministry blong education I bin advertisem 52 position blong principals blong ol bigfala primary school mo secondary school long Vanuatu mo out long 52 ia, 47 long olgeta oli risivim finis appointment leta blong olgeta.

Narafala 5 position blong principal oli re-advertisem bageken from ol applicants oli no fitim criteria blong wan principal.

FM 107 nius i andastand nao se evri principals ia oli stap long wan contract blong 4 years mo evri principals I mas kat merit blong karem position blong principals sapos oli kat masters degree blong education be oli nomo acceptem any normal teacher blong karem position blong principal.

Wok blong appointment blong ol niufala principals blong ol skul hemi stat long Torba kasem Tafea provins. 

Categories
Highlights Local News

Media I plem important role inside long kantri.

High commissioner blong Australia I kam long Vanuatu talem se media hemi plem wan very important role inside long kantri.

Photo: Supplied

H.E. Serah de Zoeten I talem se wok blong wan media person hemi no easy blong karem information long olketa different event, program mo disaster we I stap happen long kantri.

Hemi talem se pipol I relay plante taem long olketa media outlet blong kasem ol information especially long taem kantri stap long wan disaster.

Serah de Zoeten I talem se Australian High Commission I appracitim bikwan klos relationship we Gavman blong Australia I kat wetem different Media outlet long kantri long olketa wok we Australia I stap karemaut long Vanuatu.

Wan long olketa wok ya hemi  long olketa ripot we media I stap putumaut folem olketa different sapot we Australia I stap providem afta long TC Harold mo pandemic blong Covid19.

Serah de Zoeten I mekem toktok  ya long wan event we I tekem place long Australian High Commission olsem wan appreciation long wok we media I stap mekem long kantri.