Ministry blong Agriculture, Livestock, Forestry, Fisheries mo Biosecurity (MALFFB) i saenem wan Contract Agreement wetem LMD Limited (Contractor) long yestete aftanun (19/ 10/ 20) blong bildim niufala pemenen fence long Department blong Agriculture long Tagabe.

Land Filed Tagabe Area, Photo: Supplied

Hemi wan dream kam tru afta we olgeta ofisa i witnesem plante steal we i stap hapen long Tagabe Agrikalja farm.

Niufala fencing ia bae hemi stat long end blong yard blong Sweetie ko raon long haos blong ol ofisa mo kasem end blong farm klosap long eapot.

Height blong fencing ia bae hemi 1 meter 80. Bae niufala fencing ia i provaedem more security long ol property blong gavman we hemi includem farm, staff houses mo ol offices blong Agrikalja Dipatmen.

Contractor (LMD Limited) i talem bigfala tank yu long trust we MALFFB i kat long company blong bildim fence.

Executive Officer (EO) blong MALFFB i bin facilitatem saening blong Contract Agreement ia mo Deputy Director mo olgeta officers blong Agrikalja Dipatmen i witnesem saening seremoni ia.