African snail i mekem damage long plante area long Santo.

Written by on October 15, 2020

Area blong South Santo mo North West Santo i stap fesem wan nara disaster bageken naoia long ol kaikai blong olgeta long karen we lukim ol bigfala snail oli stap kaikai flatem ol cabbage mo lif, mo ol taro beetle i stap kaikai spolem ol taro.

African snail, Photo Supplied

South Santo mo North West Santo oli stap producem ol top water taro long Vanuatu be naoia ol  beetle oli stap fly i ko long ol karen taro, afta diggim graon ko kasem kaikai blong Taro mo damagem everi kaikai blong Taro.

Wan farmer long North West Santo i talemaot long FM 107 nius se, ol man long village oli nomo plannem ol vegetable long graon from ol giants snails oli stap spolem ol vegetable mekem se naoia everi farmers i mas bildim ol bed blong vegetable we i high antap blong protectem ol vegetables blong olgeta.

Ol chiefs blong South mo North West Santo oli stap tekem lead finis naoia blong addressem issue blong ol damej long water Taro mo vegetables mo askem everiwan blong usum ol traditional save blong stopem ol rabis bebet ia mo semtaem advisem everiwan blong klinim ol planting material bifo i ko lo graon mo hemi impoten blong no mas kat toti long hem we grub blo beatle ia i save hide long hem. Narafala way bageken hemi blong no planem fulap Taro long wan ples mo mas mixem Taro wetm nara kakae.


Current track

Title

Artist

Background
Translate